काठमाडौँ, २३ पुस । काठमाडौँ उपत्यकासहित आसपासका जिल्ला एवं तराइका जिल्लामा समेत भूकम्पको धक्काभूकम्पको धक्का महसुस गरिएको छ । आज विहान करिव छ वजेर ५० जाँदा भूकम्पको महसुस गरिएको हो ।
अमेरिकी भौगर्भिक निकाय यूएसजीएसले उक्त भूकम्प ७ दशमलव १ म्याग्निट्यूडको भएको उल्लेख गरेको छ।
उसका अनुसार उक्त भूकम्पको केन्द्रबिन्दु खुम्बु क्षेत्रमा अवस्थित लोबुचे भन्दा उत्तर पूर्वमा रहेको जनाइएको छ।
लामो समयपछि काठमाडौँमा भूकम्पको ठुलो धक्का महसुस भएको हो। भूकम्पबाट कहाँ के कति क्षति भयो भन्नेबारे अहिलेसम्म कुनै विवरण प्राप्त भइसकेको छैन ।
बिहारका धेरै क्षेत्रमा मंगलबार बिहान भूकम्पको धक्का महसुस गरिएको छ । मोतिहारी, समस्तीपुर लगायतका क्षेत्रमा भूकम्पको धक्का महसुस गरिएको छ । चीनमा पनि ७ म्याग्निच्युडको भूकम्प गएको पुष्टि भएको छ ।
