काठमाडौं, ६ चैत्त । पछिल्लो चौबीस घण्टामा ३१६१ जनाको आरटी पीसीआर परीक्षण गर्दा थप १२५ जनामा कोरोना भाइरस सङ्क्रमण(कोभिड१९)पुष्टि भएको छ ।
थप उक्त सङ्क्रमितसँगै अहिले कुल सङ्क्रमितको संख्या २ लाख ७५ हजार ७५० पुगेको स्वास्थ्य तथा जनसंख्या मन्त्रालयले जनाएको छ ।
पछिल्लो चौबीस घण्टामा १२३ जना सङ्क्रमित विसेक भएका छन् भने यससँगै विसेक सँख्या २ लाख ७१ हजार ७३३ जना पुगेको मन्त्रालयले जनाएको छ ।
मन्त्रालयका अनुसार पछिल्लो चौबीस घण्टामा १ जना सङ्क्रमितको मृत्यु भएको छ ।
मृत्युको यो सँख्यासँगै अब मृत्यु हुनेको कुल सँख्या ३०१६ पुगेको मन्त्रालयले जनाएको छ ।
अहिले १ हजार १ जनामा सक्रिय सङ्क्रमण रहेको छ ।
