काठमाडौं, ५ चैत । पछिल्लो चौबीस घण्टामा ३२५४ जनामा आरटी पिसिआर परीक्षण गर्दा १०७ जनामा कोरोना भाइरस संक्रमण(कोभिड१९) पुष्टि भएको छ ।
यससँगे कुल सङ्क्रमितको संख्या २ लाख ७५ हजार ६२५ पुगेको स्वास्थ्य तथा जनसंख्या मन्त्रालयले जनाएको छ ।
यसैगरी पछिल्लो चौविस घण्टामा ५२ जना संक्रमित विसेक भएका छन् । हालसम्म विसेक हुनेको संख्या २ लाख ७१ हजार ६१० पुगेको छ । मन्त्रालयले अहिलेसम्म १ हजारमा सक्रिय सङ्क्रमण रहेको जनाएको छ ।
पछिल्लो चौबीस घण्टामा १ जना सङ्क्रमितको मृत्यु भएको छ । यससँगै मृतक संख्या ३०१५ पुगेको छ ।