काठमाडौं, २६ वैशाख । नेत्रविक्रम चन्द ‘विप्लव’नेतृत्वको नेकपा आधिकारिकरुपमा विभाजन भएको छ ।
नेकपाले विचलनको बाटो रोजेपछि सो पार्टी विभाजन भएर नेकपा (बहुमत) गठन गरिएको जानकारी आज यहाँ आयोजित पत्रकार सम्मेलनमा दिइएको छ ।
सो जानकारी बहुमतका संयोजक धर्मेन्द्र बास्तोलाले दिनुभएको हो ।
नेकपा दार्शनिकरुपमा सारसंग्रहवादी,राजनीतिक रुपले संसदीय संशोधनवादीमा फसेको ठहर उहाँको छ ।
पार्टीका संयोजक बास्तोलाले हाम्रो कार्यदिशा वैज्ञानिक समाजवादी हो भन्नुभएको छ ।
पत्रकार सम्मेलनमा पार्टीका अर्का नेता हेमन्तप्रकाश ओलीले पनि बोल्नुभएको थियो ।
