काठमाडौं, २२ फागुन । पछिल्लो चौबीस घण्टामा ३५३५ जनाको आरटी पीसीआर परीक्षण गर्दा थप ४७ जनामा कोरोना भाइरस सङ्क्रमण(कोभिड१९)पुष्टि भएको छ ।
स्वास्थ्य तथा जनसंख्या मन्त्रालयले जनाए अनुसार थप संक्रमितसँगै कुल संख्या २ लाख ७४ हजार ६५५ पुगेको छ ।
पछिल्लो चौबीस घण्टामा ६२ जना सङ्क्रमित विसेक भएका छन् । हालसम्म २ लाख ७० हजार ८२८ जना सङ्क्रमित विसेक भइसकेका छन् ।
मन्त्रालयका अनुसार अहिले ८१७ जनामा सक्रिय सङ्क्रमण रहेको छ ।
