काठमाडौं, १५ फागुन । पछिल्लो चौबीस घण्टामा २ जनाको कोरोना भाइरस सङ्क्रमणबाट मृत्यु भएको छ ।
यससँगै मृतक संख्या २७७३ पुगेको मन्त्रालयले जनाएको छ ।
पछिल्लो चौबीस घण्टामा २८२४ जनाको आरटी पीसीआर परीक्षण गर्दा थप ८१ जनामा कोरोना भाइरस सङ्क्रमण (कोभिड१९) पुष्टि भएको छ ।
स्वास्थ्य तथा जनसंख्या मन्त्रालयले जनाए अनुसार कोरोनाका कुल संख्या २ लाख ७४ हजार ६५ पुगेको छ ।
पछिल्लो चौबीस घण्टामा ६२ जना सङ्क्रमित विसेक भएका छन् । यससँगै विसेक हुने सँख्या २ लाख ७० हजार ३२५ जना पुगेको मन्त्रालयले जनाएको छ ।
अहिले ९६७ जना सक्रिय सङ्क्रमित रहेका छन् ।