काठमाण्डौं, ६ पुस । नेपाली कांग्रेसको केन्द्रीय सदस्य पदमा लुम्बिनी प्रदेशबाट देवेन्द्रराज कंडेल र चन्द्रबहादुर केसी निर्वाचित हुनुभएको छ।
कांग्रेसको निर्वाचन समितिले आज मंगलबार घोषणा गरेको मतपरिणामअनुसार विजयी कंडेलले २७२७ र केसीले २२६७ मत प्राप्त गर्नुभएको छ ।
लुम्बिनी प्रदेशको खुल्लातर्फको केन्द्रीय सदस्यका लागि गत मंसिर २७ गते भएको मतदानमा ४६४९ मत खसेको निर्वाचन समितिले जनाएको छ । त्यसमा २० मत बदर भएको थियो ।
दुइ पदको लागि भएको यो निर्वाचनमा सो प्रदेशबाट ६ जना उम्मेदवार खडा भएका थिए ।