काठमाडौं, १४ फाल्गुन । पछिल्लो चौबीस घण्टामा कोरोना भाइरस संक्रमणबाट (कोभिड१९) बाट ४ जनाको मृत्यु भएको छ ।
यससँगै मृतक सँख्या २७७१ जना पुगेको छ ।
यसैगरी पछिल्लो चौबीस घण्टामा ३९४४ जनाको आरटी पीसीआर परीक्षण गर्दा ११२ जनामा कोरोना भाइरस सङ्क्रमण (कोभिड१९)पुष्टि भएको छ ।
स्वास्थ्य तथा जनसंख्या मन्त्रालयका अनुसार उक्त सँख्यासँगै कोरोनाका कुल सङ्क्रमितको संख्या २ लाख ७३ हजार ९८४ पुगेको छ । पछिल्लो चौबीस घण्टामा ५४ जना सङ्क्रमित विसेक भएको मन्त्रालयले जनाएको छ ।
मन्त्रालयका अनुसार अहिलेसम्म २ लाख ७० हजार २७७ जना विसेक भइसकेका छन् ।
मन्त्रालयका अनुसार अहिले ९३६ जनामा सक्रिय सङ्क्रमण रहेको छ ।
