काठमाडौं, ७ फाल्गुन । पछिल्लो चौबीस घण्टामा ३ जनाको कोरोना भाइरस संक्रमण (कोभिड१९)बाट मृत्यु भएको छ ।
यससँगै अहिलेसम्म २०६१ जना सङ्क्रमितको मृत्यु भएको स्वास्थ्य तथा जनसंख्या मन्त्रालयले जनाएको छ ।
पछिल्लो चौबीस घण्टामा २९३१ जनाको आरटी पीसीआर परीक्षण गर्दा ९७ जनामा सङ्क्रमण पुष्टि भएको र यससँगै सङ्क्रमितको कुल संख्या २ लाख ७३ हजार २६३ पुगेको मन्त्रालयले जनाएको छ ।
पछिल्लो चौबीस घण्टामा ११४ जना सङ्क्रमित विसेक भएको र यससँगै कुल विसेक सँख्या २ लाख ६९ हजार ६१९ जना पुगेको छ ।
अहिले १५८३ जनामा सक्रिय सङ्क्रमण रहेको मन्त्रालयले जनाएको छ ।