काठमाडौं ६ असार । नेपाली काँग्रेसका नेता पूर्व सूचना तथा सञ्चार राज्यमन्त्री काँग्रेस सुर्खेतको पूर्व पार्टी सभापति तप्त बहादुर विष्टको निधन भएको छ । कोरोना संक्रमणका कारण आइतबार विहान ५ बने ललितपुरस्थित मेडिसिटी अस्पतालमा उपचारका क्रममा विष्टको निधन भएको नेपाली कांग्रेसका महामन्त्री पूर्णबहादुर खड्काले जानकारी दिनुभयो ।
२२ वर्षसम्म नेपाली काँग्रेस सुर्खेतको पार्टी सभापति विष्ट सुर्खेत पश्चिम क्षेत्रका निडर प्रभावशाली नेताका रूपमा स्थापित हुनुहुन्थ्यो । जिल्लामै बसेर जनताको बीचमै रमाउने नेता बिष्ट कोरोना संक्रमणको शिकार बन्नुभयो ।
कोरोना संक्रमण भएपछि जेठ १६ गते प्रदेश अस्पताल सुर्खेतमा भर्ना भएका ६० वर्षीय विष्ट स्वास्थ्यमा सुधार नभएपछि थप उपचारका लागि जेठ २६ गतेदेखि मेडिसिटी हस्पिटलमा उपचाररत हुनुहुन्थ्यो ।
