काठमाण्डौं, १५ पुस । गुरूङ समुदायले आज आइतबार ‘तमु ल्होसार’ पर्व मनाउँदैछन् । यो समुदायले यो पर्व पुरानो वर्षलाई बिदाइ गरी नयाँ वर्षलाई स्वागत गरेर मनाउँदछ। तमु ल्होसारका अवसरमा आज सरकारले सार्वजनिक बिदासमेत दिएको छ।

गुरुङ भाषामा ‘ल्हो’ को अर्थ वर्ष र ‘सार’ को अर्थ फेरिनु भएकाले वर्ष फेरिने दिनलाई ‘तमु ल्होसार’ भनिएको हो।‘तमु ल्होसार’ पर्व सूर्यको किरणसँग सम्बन्धित छ ।

विशेष गरेर गुरूङ बाहुल्य रहेको लमजुङ, गोरखा, तनहुँ, स्याङ्जा, मनाङ, कास्की, पर्वतलगायत जिल्लामा सूर्यको ताप पहिले आउने भएकाले पुस १५ मा यो पर्व मनाउने गरिएको हो।