काठमाडौ, १७ माघ । पूर्वप्रधानमन्त्री एवं जनता समाजवादी पार्टीका संघीय परिषद अध्यक्ष बाबुराम भट्टराईले कुनै आलटाल नगरी एमसिसी सम्झौता पारित गर्नुपर्ने बताउनुभएको छ ।
पूर्वप्रधानमन्त्री भट्टराईले ट्वीट गर्दै एमसिसी बारे सबै एकमुख भएर जनतालाई बुझाउनु पर्ने भन्दै सर्वसम्मतिले एमसिसी सम्झौता संसदबाट पारित गर्नुपर्ने बताउनुभएको छ ।
एमसिसीकै बाहनामा सत्तारूढ गठबन्धन बीच कुनै समस्या आउन नहुने उहाँले ट्वीटमा उल्लेख गर्नुभएको छ ।
‘यही बाहनामा प्रतिगमनविरोधी गठबन्धन नटुटोस्। यो प्रकरण नेपालका रूढीवादी कम्युनिष्टका लागि घाँटीको हाड नबनोस्,’ भन्दै उहाँले ‘देश थप कंगाल बनेर जनसंख्या अरू नघटोस्। शक्ति केन्द्रहरूको चलखेलबाट देश बरबाद नहोस्।’
