काठमाडौँ, १८ पुस । नेपाली काँग्रेसले राष्ट्रियसभा उम्मेदवार चयन गर्न केन्द्रीय समिति बैठक बोलाएको छ । सोमबार दिउँसो २ बजे पार्टी कार्यालय सानेपामा बस्ने बैठकले राष्ट्रिय सभा उम्मेदवार छान्ने छ । बैठक पार्टीको केन्द्रीय कार्यालय सानेपामा अपराह्न २ बजे बस्ने तय भएको पार्टी कार्यालयका मुख्यसचिव कृष्णप्रसाद पौडेलले जानकारी दिनुभयो ।
हालै नया कार्यसमिति चयन भएकोले संसदीय बोर्ड गठन हुन सकेको छैन । प्रदेश समिति पनि नयानै हुनाले बिधान अनुसार प्रदेशबाट एक सिट बराबर तीन जनाको नाम सिफारिश हुन नसकेको अबस्थामा प्रदेशका सभापतिहरुलाई समेत केद्रीयसमितिको बैठकमा बोलाइको छ ।यही बैठकले राष्टीयसभाको सदस्यहरुको उमेद्वारको निर्णय गर्नेछ।
पाच दलीय गठबन्धन बीच चुनाबी तालमेल त भएको छ । तर कुन पार्टीले कति सिट पाउने भन्ने टुङ्गो लागेको छैन्।त्यसैलेयसअघि प्रधानमन्त्री निवास बालुवाटारमा सत्तारुढ गठबन्धनको बैठक बस्ने छ ।
गत मङ्सिर २४ देखि २८ गतेसम्म सम्पन्न १४औँ महाधिवेशनबाट निर्वाचित कांग्रेस केन्द्रीय समितिको बैठक दोस्रो पटक बस्न लागेको हो । पहिलो बैठक यसअघि यही पुस १० गते बसेको थियो ।
