अमेरिकी कर स्थगन विश्व अर्थतन्त्रलाई स्थिर बनाउन ‘महत्त्वपूर्ण कदम’, इयु प्रमुख

२०८१ चैत्र २८ गते बिहीबार, १४:२९ मा प्रकाशित

ब्रसेल्स, २८ चैत । युरोपेली सङ्घ (इयु) की प्रमुख उर्सुला भन डेर लेयनले बिहीबार अमेरिकी राष्ट्रपति डोनाल्ड ट्रम्पको नियोजित भन्सार शुल्क वृद्धि रोक्ने निर्णयलाई ‘विश्व अर्थतन्त्रलाई स्थिर बनाउने दिशामा महत्त्वपूर्ण कदम’ का रूपमा स्वागत गर्नुभएको छ ।

“व्यापार र आपूर्ति शृङ्खलाले काम गर्नका लागि स्पष्ट, पूर्वानुमानयोग्य अवस्थाहरू आवश्यक छन्”, कार र अन्य औद्योगिक सामानहरूका लागि द्विपक्षीय भन्सार शुल्क छुटको ब्लकको प्रस्ताव दोहोर्‍याउँदै युरोपेली आयोगका अध्यक्षले एक विज्ञप्तिमा भन्नुभयो, “युरोपेली सङ्घ संयुक्त राज्य अमेरिकासँग रचनात्मक वार्ताका लागि प्रतिबद्ध छ ।”

इयुमा ट्रम्पको विश्वव्यापी भन्सार शुल्कको अंशका रूपमा २० प्रतिशत दर लगाइएको थियो र आयोगले यसको जवाफ तयार गरिरहेको छ । यद्यपि ब्रसेल्सले प्रतिशोध लिन नचाहेको स्पष्ट पारेको छ ।

ट्रम्पले बुधबार ९० दिनका लागि लगभग सबै राष्ट्रका लागि उपायहरू रोक्ने घोषणा गर्नुअघि गत हप्ता दण्डात्मक भन्सार शुल्कहरूको घोषणा गरेर विश्वव्यापी बजारहरूलाई अराजकतामा फ्याँक्नुभएको थियो ।

अहिले १० प्रतिशतको आधारभूत भन्सार शुल्क दरको सामना गर्ने २७ राष्ट्रको इयु दर्जनौँ देशहरू मध्ये एक हो । दश प्रतिशतको आधारभूत भन्सार शुल्क दरको सामना गर्ने मुलुकमा जापान पनि समावेश छ तर चीन छैन ।

यो ब्लक स्टिल र एलुमिनियममा पहिले लागु गरिएको अमेरिकी भन्सार शुल्कको अधीनमा रहेको छ । यसको प्रतिशोध उसले बुधबार लिएको छ ।

ट्रम्पको आक्रामक व्यापार कदमहरू र इयु विरुद्धको शत्रुतापूर्ण वक्तव्यले ब्रसेल्समा दिमाग केन्द्रित गरेको छ । अहिले नेताहरू भारत लगायत अन्य राष्ट्रसँग नजिकको व्यापार सम्बन्ध स्थापना गर्न अगाडि बढिरहेका छन् ।

“युरोप विश्व व्यापारको ८७ प्रतिशत ओगट्ने देशहरूसँग संलग्न हुँदै आफ्नो व्यापार साझेदारीहरू विविधीकरण गर्नमा निरन्तर केन्द्रित छ”, भन डेर लेयनले भन्नुभयो ।

इयुले आफ्नो एकल बजारलाई पनि बलियो बनाउने र अवरोधहरू हटाउने उहाँले बताउनुभयो ।एएफपी

यो पनि पढ्नुहोस

पूर्व सेना मेजर निदाल हसनलाई गोली हानी मृत्युदण्ड दिएको दृश्य प्रत्यक्ष प्रशारण गरिने

यो पनि पढ्नुहोस

पूर्व अमेरिकी सैनिक हसनलाई गोली हानी मृत्युदण्ड दिने आदेश

प्रतिक्रिया

सम्बन्धित खवर

पूर्व सेना मेजर निदाल हसनलाई गोली हानी मृत्युदण्ड दिएको दृश्य प्रत्यक्ष प्रशारण गरिने

कागन र सोइलाई रसायनशास्त्रतर्फको नोबेल पुरस्कार

पूर्व अमेरिकी सैनिक हसनलाई गोली हानी मृत्युदण्ड दिने आदेश

हाइटीमा हुने भनिएको राष्ट्रपति तथा विधायी चुनाव अनिश्चितकालका लागि स्थगित

मेस्सीको भावुक अन्तर्राष्ट्रिय बिदाइ

हालजेनलाई भौतिकशास्त्रको नोबेल पुरस्कार

ताजा

Facebook

Yuga wani

युगवाणी मिडिया नेटवर्क प्रा. लि.

का लागि अध्यक्ष तेजप्रकाश पण्डित द्वारा सन्चालित एव प्रकाशित
सुचना विभाग दर्ता नं: १०५५/७५-७६
अनामनगर, काठमाडौं, नेपाल ।
फोन : +९७७ (०१) ५५७ ३२०९, +९७७ ९८४११५८२०६
ईमेल : yugawaninews@gmail.com

कानुनी सल्लाहकार : सुदीप पण्डित
सल्लाहकार : पुरन्जन आचार्य
सल्लाहकार सम्पादक : रमेश तूफान
प्रधान सम्पादक: श्रीआचार्य

Copyright © 2026 Yugawani Media, All Rights Reserved.

Developed By : Potent Media Home