काठमाडौँ, ३१ वैशाख । स्थानीय तह निर्वाचन अन्तर्गत विभिन्न पालिकामा कतै मतगणना सुरु कतै मतगणना र केही स्थानको नतिजा आउनेक्रम जारी छ ।
मत परिणाम आउनेको पछिल्लो अवस्था अनुसार अहिलेसम्म सबैभन्दा अगाडि नेपाली कांग्रेस रहेको छ भने दोस्रो स्थानमा एमाले रहेको छ । तेस्रोमा माओवादी रहेको छ ।
अहिलेसम्म प्राप्त विवरणअनुसार नेपाली कांग्रेस र एमाले तीन तीन स्थानबाट विजयी भएका छन् भने दुई पालिकामा भने नेकपा एकीकृत समाजवादीका उम्मेदवार विजयी भएका छन् ।
तीन पालिकामा विजयी भएको कांग्रेस १०४ पालिकामा अग्र स्थानमा छ । अग्रतामा कांग्रेसलाई पछ्याइरहेको एमाले ५८ पालिकामा अगाडि देखिएको छ ।
माओवादी ३२ पालिकामा अगाडी छ भने नेकपा एकीकृत समाजवादी ३ पालिकामा अग्र स्थानमा छ ।
यसैगरी उपमेयरमा नेपाली कांग्रेसकै अग्रतामा रहेको छ भने दोसैमा एमाले त्यसपछि माओवादी रहेको छ ।
