काठमाण्डौ,२६ फागुन । नेपाली कांग्रेस सप्तरी जिल्लाको सभापतिमा रामदेव साह निर्वाचित हुनुभएको छ ।
मंगलबार भएको निर्वाचनको परिणामा आज बिहीबार प्रप्त भएको छ । त्यस अनुसार साहले ११६ मतान्तरले निकटतम प्रतिद्वन्द्वी शत्रुद्यन यादवलाई पराजित गर्नुभएको हो ।
निर्वाचन समितिका अनुसार विजयी साहले एक हजार १८६ मत पाउँदा उहाँका निकटतम प्रतिद्वन्द्वी शत्रुद्यन यादवले १ हजार ७७ मत प्राप्त गर्नुभएको छ ।
सभापतिमा निर्वाचित साह कोइराला पक्षका हुनुहुन्छ ।
सप्तरीमा यसअघि शनिबार भएको निर्वाचनमा विवादपछि स्थगित भएको मतमदान मंगलबार गरिएको थियो ।
त्यसैगरी नेपाली कांग्रेस सिरहाको सभापतिमा रामचन्द्र यादव निर्वाचित हुनु भएको छ । उहाँ लगातार दोस्रो पटक पार्टीको जिल्ला सभापति हुनुभएको हो ।
विजयी यादवले एक हजार ४२६ मत ल्याउनु भएको छ भने उहाँका प्रतिद्वन्द्वी रामसुन्दर चौधरीले ८८७ मत प्राप्त गर्नुभएको छ ।
निर्वाचित यादव देउवा पक्षको हुनुहुन्छ ।
सिराहामा सोमबार मतदान भएको थियो । निर्वाचनमा दुई हजार ४७५ मत खसेको थियो । जसमा १६० मत बदर भएको थियो ।
