काठमाडौ, २० बेशाख । भारतीय जनता पार्टी (भाजपाले) को निमन्त्रणामा नेपालका पाँच वटा राजनीतिक दल भारतको भ्रमणमा रहेका छन् ।
उक्त राजनीतिक दलहरुमा नेपाली कांग्रेस, नेकपा एमाले, नेकपा माओवादी केन्द्र, राष्ट्रिय स्वतन्त्र पार्टी र जनमत पार्टी रहेका छन्।
नेपालबाट गएइका टोलीलाई भाजपा मुख्यालयमा पार्टीका अध्यक्ष जेपी नड्डाले स्वागत गर्नुभएको छ ।
पार्टीबाट प्रतिनिधित्व नेपाली कांग्रेसका नेता उदय शमसेर जबरा, एमाले उपमहासचिव विष्णु रिमाल, माओवादी केन्द्रका नेता मातृका यादव, रास्वपाका शिशिर खनाल र जनमत पार्टीका डा। जयकान्त राउतले गर्नुभएको छ ।
दलका नेताहरूले भारतीय विदेश मन्त्री एस.जयशंकर, र रेलवे मन्त्री अश्विनी बैष्णवसँग पनि भेट गर्ने भाजपाले जनाएको छ ।
